Sunday, 29 January 2012

පින්සාර නෙතු


දුක් සුසුම් අතැර නැලවෙන්න දැන් සඳැල්ලේ
මා නමින් පේ වුනු, මල් යාය නිල්ලේ....
සංසාර මඟ යන්න පාවී නිදැල්ලේ
පින්සාර නෙතු ඔන්න පිපුනා තුරුල්ලේ

ලං ලංව විඳ ගන්න සුසුමන් සිහිල්ලේ
හඳ ගැස්ම වී ඉන්න දෙන්නම් තුරුල්ලේ
කඳුලින් නැඟි ආ සිනහා කැරැල්ලේ
පාවෙන්න ඔබ එන්න හන්තාන නිල්ලේ

රන්තාරු මල් ඇතිරු තණ නිල්ල ගොල්ලේ
නිම්නාද නද දෙන්න සුළගේ නිදැල්ලේ
භාවනා වඩන්නට එන්න තරු නිල්ලේ
රහසක් කියයි දෙනෙත් ගිලී  හසරුල්ලේ

සිත්රූ සෝබාවට ලියපු පිළිතුරක්... :D 

Wednesday, 25 January 2012

පහන් දැල්ල



ඔබ මට සඳක් නොව
පහන් දැල්ලක්
අවපස සඳට දුර මුත්
ළඟයි නුඹ නම්

Friday, 20 January 2012

මේ තමයි පාට ආදරයේ වචන වල.....




සිහින කවුළුව ලඟට ඇවිදින්
ඔබ බලා සිටියා
ඇවිදිමින් මගේ නිදි දෙනත් ලඟ 
ඔබ හැගුම් මැව්වා


ලියා පෙම්වත් වදන් හැඩයට
හසුන මට දීලා
නිමේෂය ගෙවෙනවා නොදැනේ
ඔබ ලඟින් සිටියා


වසන්තය ඇවිදින් සිනාසේ 
සිතුම් පොදි දල්වා
ශාන්තිය මඟ හැරි ලතවෙමි
ඔබේ සුව දැනුනා


මගේ හදවත හැගිම් කැමතියි 
මුල්ම වසන්තය හිනැහුනා
ආදරේ පැහැයෙන් ගියාලා
නැවුම් පද වැල් ගැලපුවා


විටෙක ඔබ මහ පොළව සරසා
ඇතැම් විට සඳ සැරසුවා
මගේ නෙත් මට අහිමි කරලා  
මගේ සුසමේ සැඟවුනා


අපේ හදවත් නිවස සරසමු
හඳ ගැස්ම තවරා
ලොවක් නැති මුත් ඔබත් ලඟ ඇත
බියක් නෑ දිවියම පුරා


අමතකයි මොහොතකට මුළු ලොවට 
වසන්තය සිත සරසලා
ශාන්තිය මගහැරී ලත වෙමි
මුල් වසන්තය පැමිණිලා


කුණාටුවකට අකුණු හඬකට 
පා සළඹ හඬ මුසු වෙලා 
කියන තනුව වසඟ වීලා
සුළඟ රඟ දෙයි නැලවිලා 


කඩා හැලෙනා සුදු වාලාකුළු 
ඔබව සිප ඇදිලා ගියා
වැස්ස වැටෙනා නිමක් නැති හැඩ
ඔබයි ඇන්දේ හැඩ මවා


සෙනෙහස් මන දොළ සිත් පුරා 
සිහිනත් ඔබ හැන විමසුවා
මගේ හදවත් ලැගුම් ගත් ඔබ
ආදරේ පැහැ තැවරුවා

Sunday, 15 January 2012

සිටියා ඔබ සිතට බොහෝ ඈතින්

ඈතින්, තනි තරුවක් සේ ඇවිදින්
කීවා, සිත විමසූ රහස සෙමින්
දුරකින්, දුර ඔබ සිටියත් ඈතීන්
ළඟමයි, රෑ සිහිනෙන් ඔබ ඇවිදින්

සරසා, නෙත කඳුලැල් මුතු පොටකින්
සිටියා, ඔබ සිතට බොහෝ ඈතින්

රහසින්, මුමුනමි පෙම් රහස හෙමින්
මෙතුවක්, ඔබ නොම දැන උන් පැතුමන්
ආසයි, මට සැඟවි ඉන්න ඉතින්
මිහිදුම්, සළුවක සේ ලඟ වෙලෙමින්


සරසා, නෙත කඳුලැල් මුතු පොටකින්
සිටියා, ඔබ සිතට බොහෝ ඈතින්

Friday, 13 January 2012

අහිමි බව නිසා වෙන්

ඔබ දුරක සිටිනවා...
මම බලා හිඳනවා...
සිත රිදෙනවා .....
නෙත තෙමෙනවා...
ඉතින් මම හඬනවා...

ආඩම්බරෙන් ඔබ
කට කොනින් සිනාසී
මගේ නෙත් පිනන බව
නොදැන නෙතු කතා වෙයි
ඒ බලා හඬමි මම

අහිමි බව නිසා වෙන්........

Saturday, 7 January 2012

ඔබේ කවියේ මුල් පදය



නිදි ලොවෙහි මා සැරිසරද්දි
අවදි වන්නට ලොබ සිතින්
උදැසන වී ඔබ ඇවිත් ඇත
කිතිකැවෙයි සිත සැනසුමෙන් 

සිතුම් සසලව හඬන මොහොතක 
සිහිනි ස්වරයෙන් දොඩයි නම්
නෙතු පියා මම ආසා ඉන්නම්
ලයට තුරුලුව සෙනෙහසින්

නිශා යාමය ලෙසින් ඇවිදින්
ලැගුම් ගන්නම් සිත ලඟින්
ඔබේ කවියක මුල් පදය වී
තුටින් ඉන්නම් ඔබ ලඟින්

Wednesday, 4 January 2012

සංසාරේ පැතුම ඔබයි හදේ



සිසිලයි උණුසුම
නිහඬයි කවි සිත
ලඟමයි සඳ නුඹ
මම දැන් ඔබ ලඟ

තරුවකි මට නුඹ
මල් ගොමුවක් ඔබ
පහන් වැටිය ලඟ
බලා හිඳිමි මම

සීතල  සුළඟක
සිසිලස ඔබ මට
නලමුදු සුවඳක
සැනසුම ඔබ මට

කියන්න නොදනිමි
සිත ඇති සෙනෙහස
සත්තයි වස්තුව
මම දැන් ඔබ ලඟ

Monday, 2 January 2012

සිතිවිලිත් සීතලයි


රිදුම් දෙන සිතිවිලි අතැර දා
ඇතුල් සිත සක්මන් කරයි. 
රුදුරු මැසිවිලි සිත පෙලන දා
සිතුම් සිසිලෙන් ගල් හැසෙයි

නපුරු හදවත් නෙතු තෙමන දා
සිතට රහසින් නෙත හඬයි
සිතේ සැනසුම මට අහමි දා
ලොවෙන් සැඟවෙන්නට  සිතෙයි