සිතුවිල්ල - කවි සිතුවිල්ල

තැවෙයි හදවත

තවම තනියම

කවක් ගලපමි

සිතුම් කැටි කොට

තවත් හිතනට

සිතුම් නම් නැත

සිසිල් සුලඟට

රිදෙයි මගේ හිත 

සිතත් මට නැත

තව කෙනෙකු ලඟ

ඇත්තේ හදවත

මටත් මම නැත

ගත්තේ තුරුලට

බදා තදකොට

එකම වත්කම

තමයි  තනිකම

පාළුයි මුළු හිත

එනුමැනවි අදම හෙට

මගෙන් දුර ඇත ගිය

සිතුවිල්ල  - කවි සිතුවිල්ල 

සෙනෙහස ඔසුවකි

සුවඳයි සැනසුම වාගෙම සෙනෙහස

පිළිගෙන විඳින්න සඟවා නොඉන්න

ලාලසී රසයෙන් හමුවුනි දෙනයන

ලංවී හිඳින්න සෙනෙහස වඩන්න 

ඊයේ අප හට අහිමිවු රැය නැත

අද නව දිනයකි රැය අප සතුවිය

පැටලී  තැවරී හිත හිරිවට්ටන 

ආසයි විඳින්න ඒ හැඟුමන් මම 

හදවත හැගුමට සීමාවන් නැත

වලාකුලේ පා තබමින් ඇවිදිත

ගඟුලකි මගේ හිත ගලනා නොනැවත 

එහෙත් විටෙක මම ජලයෙත් ඇවිදිත.

මම හැමදාමත් නති තරුවක්

දෑසට නොපෙනන ඈතක හිඳගෙන

මගේ හිත සිතුවම් මැවූ තරම්

වාවනු නොහැකිව හඬනුයේ කෙලෙසද

නෙලන්න බැරි ඔය  හිත මනරම්

සුන්දර විලසක අතිනත අරගෙන

ඇවිදන් යන්නට සිත පැතුවත්

නොපෙනෙන දුරකින් පායන සඳ ලග

මම හැමදාමත් නති තරුවක්

තනිකම් පවුරේ බිතු සිතුවම් ඇඳ

රවටාගමි පෙම් හිත කවදත්

අපි අස අපි නැති සීතල නිම්නෙක

සිත හැමදාමත් ඔබේ ලඟින් 

සැබැවින්ම ඒ මම නොවේ ඇය!

සන්සුන් දිවිය අභියස 

පෙහෙවස් එළඹි උවැසිය

ඒ මම නොවේ ඇය 

කිසි දිනෙක නොදුටුව, නොඇසුව, ඒ ඇය

දුර්වල සුසුම් අභියස 

ජීවය රුගෙන එන ඇය

පාදපරිචාරිකා මෙහෙය ඉටු කරණු ඇත

නමුත් මම නොවෙමි ඇය

සරල සුන්දර සිත ලග 

නිවී සැනසෙන සඳමිණ

මෙලොව මිනිසුන් අතර.

හැබෑම පින්වත්නිය ඇය

තනි මල

හිරු කිරණ රැස් දැක

මිලින වන බව දැනගෙන

තණපත් අග තුහින

විලස ක්ෂය වන තනිමල

මිය ඇදෙන හැඩ කය

ගිලී සැඟවෙන දෙනයන

සුපුන් සඳ පැරදුන

සිනා වියැකුණු තනිමල

පෙති එකිනෙක විසිර

තැලි පෑගි පොඩි වන

පා අසල හිනැහෙන

අනේ අසරණ තනිමල

සිහිනය මත ඉපිද

සිහිනය මතින් මියැදෙන

සිතුම් පොදි රැකගෙන

ලොවට රහසින් මියෙයි තනිමල 

විංගල් මෝරයෝ හෙවත් යුනිකෝඩ් වීරයින්ට ආදරෙන්!

සොදුරු වදකාරයෝ !

තනි සිතේ දුක නිවන 

සිතුම්  කැන් හැඩ මවන 

 නුඹලාට පෙම් බඳිමි

 මගේ ලොව හැඩ කරන 

 කන් කරච්චල් කරන 

විටෙක තරවටු ලබන 

නෙත් කඳුලු පුරෝගෙන 

 යලිත් මා වෙතම එන. 

 ලගින් හිද හිත හදන 

දෙවැනි මව මම කියන 

සාරි පොට හෙවන යට 

 රකින්නෙමි නුඹලාව 

 සිනා කටකාරකම් 

 නැති අඩුව දැනුනි මට 

විවේකයෙ සෙල්ලමට 

ගිනින් මා හැර මෙතැන

Published with Blogger-droid v2.0.6

පෙම්වතා වෙත!

උඹ නම් මහා 

මෝඩ හාල් මැස්සෙක්!

එච්චරයි මම දන්නේ 

මෙතුවකට! 

වැරදි දූතයා

වැස්ස! %&*#$#$#**&& නෑ නියඟය

සමනලයා % මල

විහිදිච්ච පෙති හැකිලෙද්දිත්

ලස්සන සමනලයා 

වහනකල් බලා ඉන්න 

පර වෙමින් යන මල, මම,

උගස!

නයා!

රසවින්දනය උපරිමයට ලං වෙන්න... පින්තූරය මත කොටන්න ! :))

හඬවන මතක!

වියලි හැඟුමන් ගල් ගැසී

වැසි වසියි දෙනුවන් තෙතයි

මේ වෙන්ව යන සෘතුවයි

කඳුලු කැට කොපුලට වැටෙයි.

අඳුර නිමැවු,  රැයක හමුවු

මිතුරු දම හවදත වෙලයි

මමම පමණයි ඉතිරි මා හට

අඳුර සේ මිතුරන් මියෙයි.

සිතට සපතමි දැඩිව සිතනෙමි

නුඹ මගේ සිහිනෙන් දුරයි.

නුඹ එපා යැයි මම කියන මුත්

මට හොරන් මගේ හිත හඬයි

මතක අතරින් මවෙත ඇවිදින්

හිතේ ඉඩ කඩ හැඩි කරයි

ආදරේ නෑ කියා කිය සිතුවත්

නුඹ ගැනම මසිතට සිතෙයි

අන් අයෙකු නොව නුඹත් මමමයි

වේදනාවෙන් මුත් සිතෙයි

වේදනාවත් මගේ නිසාවෙන්

නෙතට හිමි කඳුලුම තමයි

නොදනිමි නොසොයමි

සිතුවිලි සිල් ගත් මොහොතක විමසමි
ඔය නෙතු අද්දර  රන් තරු පැරදුණි
කිසිවෙකු නොමදත් රහසක් විමසමි
ඔබ දන්නේ දැයි විමසමි අසනෙමි


සිතිවිලි උමතුව හඳවත වෙහෙසමි
හද ගැස්මේ රිද්මය මම විඳිනෙමි
මායා සිහිනෙක රහසින් වෙලුනෙමි
සිහිනෙන් ඔබ රුව පමණක් දිස් වුනි 


නෙතු පිය සැලුනේ කිමදැයි නොදනිමි
ඔය රුව ඈතින් එන විට සැඟ වෙමි
කිසි වෙකු නොමදත් රහසක් විමසමි
ඒ ආදරය ද නොදනිමි නොසොයමි 

අහන්න නවතම තොරතුරු - www.buzzradio.lk
බ්ලොග් සම්මාන මිතුරු පිටුව www.facebook.com/syndi.buzzradio
බ්ලොග් සම්මාන සින්ඩිකේටරය syndi.buzzradio.lk

අෆ්සාරා

මීදුම් පාරේ ඇවිඳන් යන විට

හොරැහින් නෙත් කැල්මන් පානා

පෙම්වත් හසරැල් මවනා නෙතු යුග

මඟ  හැර මම දිව්වෙමි නානා 

එළුවන් රෑනේ පසුපස දිවයන

ඒ සුන්දර මොහොතක් පාසා

ඔබ ලඟ උන්නානනම් සිත කීවා

ඔබ සිත බැඳි මම අෆ්සාරා

අහන්න නවතම තොරතුරු - www.buzzradio.lk
බ්ලොග් සම්මාන මිතුරු පිටුව www.facebook.com/syndi.buzzradio
බ්ලොග් සම්මාන සින්ඩිකේටරය syndi.buzzradio.lk

ඔබ මට ආදරේ

මල් උයනේ මල් සමනල රෑන් සම ඟ පියඹමි මම

ඔබ සුවඳක පාවී එන මදපවනැල්ලේ නටමින

සොඳුරු සුසුම් පිරුණු හිතට ආදරේ ගලාන එන්න

විවර කරමි ඔබේ සුවඳට මාගේ සුරතල් හඳවත

හිනා වෙන්න දඟ දෙන හිත පාට වලාකුළු සිපගෙන

රස විඳින්න ආසයි ආදරෙය් සුව ඔබෙන් රෑගෙන

පියාඹන්න අත්තටු ලැබුනා ඔබගේ කිරිල්ලියට

හරි ආසයි මට අහන්න සුදු ඔබ මට ආදරේද?

දඟ දෙන පිවිතුරු හදවත සතුටින් ඉපිලී නටමින

ඔබේ සුවඳට ඉඟි කරනා සතුටු කඳුලු හිනැහුනි මට

කෝඩු කාර පෙම් හදවත නේකපාට වෙනකොට මට

ආදරේට හිනැහුණ ඔබ මහමෙරක් උනා හදවත

හීන ගෙනන රෑතුන්යම පාට ඔබේ ඔය සෙනෙහස

මාල හතක් ගෙල පළඳින කෝල ලඳක් වගේ හිතට

හීනයක්ම වෙන්න බලන සෙනෙහස ඔබ දන්නවාද

පාට වුනත් හීන සුවඳ ආදරෙයිනේ හැමදා මම

අහන්න නවතම තොරතුරු - www.buzzradio.lk
බ්ලොග් සම්මාන මිතුරු පිටුව www.facebook.com/syndi.buzzradio

බ්ලොග් සම්මාන සින්ඩිකේටරය syndi.buzzradio.lk 

සඳවත

අකුණු පුපුරයි හිස මත

ඔබ ඇවිත් මතකෙට

සැනසුමක් නැහැ සිත

රිදුම් දෙනවා හැදවත

අහිමි මගේ සඳවත

පායනා කල අහසට

පියා ගමි දෙනුවන

නෙතෙහි ඉඩ නැ කඳුලට

අහන්න නවතම තොරතුරු - www.buzzradio.lk
බ්ලොග් සම්මාන මිතුරු පිටුව www.facebook.com/syndi.buzzradio
බ්ලොග් සම්මාන සින්ඩිකේටරය syndi.buzzradio.lk

ඔබ මගේ සිතුවිල්ල

ලඟ සිටින දුර නොයන

හිත් පොඩිය හැඩ කරන

නෙතු කඳුලු මතු කරන 

ඔබ මගේ සිතුවිල්ල

නිරන්නර කඳුලකින්

නෙත් දසුන් බොඳ කරන 

දෘෂයා මායා මවන

ඔබ මගේ සිතුවිල්ල 

බ්ලොග් සතිය වෙනුවෙන් 

කාලය මැව් වෙනස

අද....

දුහුලු ගවොමක් ඇඟලා 

වීදියේ පහන් කණුව යට  සිට

අසයි

"නිවන්නද මම ඔබේ සරත"

එදා...

සූසැට අබරණ පළඳා

පරිවාර ස්ත්‍රීන් වට කර සිටි 

අම්බපාලි කුලයේ ඇය

සිතුවිලි ප්‍රාර්ථනා

ඔබේ පෙම් සිතුවිලි ප්‍රාර්ථනා
සිහින සතම අද සැබෑ වෙලා
සුබ පැතුමක් පතනට සිත කීවා
පන්හිඳ මේ කවි පද ගෙතුවා


මාල සතක් ගෙල වට පළදා
කුංකුම අංජන  නෙතු තවරා
සුදු සේලෙන් සැරසී සිත් සනහා
පෙම්බරයෙකු හා පිටව ගියා


නෙතු අග මුතු කඳුලක් රඳවා
යුවතිය පතිනිය වී  ගියදා
ඇය සතුටින් හසරැල් නඟනා විට
නෑ සියයන් රහසින් හැඩුවා


වක්කඩ කැඩුවා සේ මැවෙනා
සිනා කැළුම් හසරැලු උතුරා
හදවත රිද්මය  දෙනෙතින් මැවුනා
මනාලියක් යනු පෙනුනා.

නුඹ නමට

සුසුමක් නොවේ සිය දහසක්
දෙනෙතක් නොවේ නෙත් දහසක්
දෑතක් නොවේ දස දහසක්
නුඹ නමිත් ඇත සොයුර නිරතුරේ


පින්බිමේ පිරිත් සජ්ජායනෙන්
කෝවිලේ සීනු හඬ නද මැදින්
පල්ලියේ යාතිකා රාවයෙන්
ගයමු අපි නුඹ නමට එක හඬින්


ලොව සතර අත ඉදන් රොඳ බැදන්
නුඹ නමින් පෙල ගැසුණු පිරිවරින් 
නිහඬ ලොව බිඳදමා මිතුදමින්
සවන දෙන්නෙමු නුඹට ඉක්මනින්


පලි : වසරකට එපිට ලියා ගයන්නට බැරිවු ගීතයකි!

මම

තරුවක් වත් තැනි අහසක

ලා එළියෙන් ලොව සරසන

තනිවුනු අඩ සඳ,

කණාටු බොල් පෙළවක 

දිය බිඳක් නැතිව වැඩෙන

පතොක් මල 

සිඳියන දිය කඩිත්තක

ගල්බෙනයක් තුල සැඟවුන

ඉතිරිවු දිය පොද

___________________________________

කලා සොළොස ඇති රෑක

තරු එලි පරදවා දිලෙමි 

එහෙත් 

අද

අඩ සඳක් මම

වස්සනායේ වැහි වහින දාට

හැඩ පාටින් දිලෙමි

එහෙත් 

අද

කණාටු මලක් මම

කඳ ශිකරය සශ්‍රීකවුනු දාට

තිල් කැටේට දිලිසෙමි

එහෙත්

අද

පුංචි දිය බිඳක් මම 

දියණියේ

අරුත් නැති ලෝකයක් හමුවේ

සිනා සෙන්නට වෙර දරන නුඹ

නමක් නොම දත් මලක් සිඹිමින් 

ආදරේ සුව සොයනු කෙලෙසද

සිතක සිතිවිලි වාන් දමනා

යොවුන් වයසේ කිරිලියේ නුඹ

නුඹට පෙම් නැති සිතක් වෙනුවෙන්

නෙත් ඉමේ කඳුලක් දරණු කිම

සිනාවේ මායිම් තනන්නට

සිත් පොඩිය හැඟුමින් වෙලාගෙන

ඈත ක්ෂිතිජයේ මංමුලාවී 

මිරිඟුවට තව පෙම් බඳිනු කිම 

තෙතක් නැති ගල් හිතක් අබියස 

බවුන් වඩනා තවුසියක් ලෙස

තවත්නම් දුර නොයා ඉඳපන්

අතරමන් වෙයි නුඹත් අහිමිව 

සිතුම් මුතුහර ගිලී ගියදෙන් 

හඩන්නට නම් එපා මගේ දුව

නුඹට පෙම් නැති සිතත් විඳවයි

පෙමක අරුමය දුටුව දිනයක 

අකීකරු දෙනෙත

මටත් අහිමිවු බොළද සිතකට

සිතුම් අරුමැසි වැසි වහින කල

අකීකරු නෙත තෙමී සැලුනේ

අරුත් නැති කදුලකිනි හිමි සද




අනෝරා වැසි වැටෙන මෝසම

සිනා මල් පොඩි තලා දැමුවද

සදා කල් පෙම් බදිමි වැස්සට

අකීකරු නෙතු තෙමන හින්දම




අනන්තෙ මිරිගුවක සැගවුන

රන් රුවක් ලෙස පෙනෙයි නම් ඔබ

ඇත සිට නෙත් හෙලා හිදිනෙමි

අකිකරු නෙත් තෙමාගෙන මම

Published with Blogger-droid v2.0.4

ඉවසීමේ අන්තිම සීමාව

ජීවයක් සොයන්නට

අරමුණක සිරගතව

කාලයක් ගෙව් අරුම හීනයක් නම්


සිහින මන්සල අසල

අතරමන් හිත් පොඩිය

ලොකයක් සමග පොර බදනවා නම්


ආලයක් නුදුටු සිත

කෝල කම් ඉවසගෙන

ලොවේ ගැරහුම් තවම විදිනවා නම්


කාලයක් එනු ඇතිය

සිත් විඩා නිවන්නට

ඉවසුමේ සීමාව පැන ගියෝතින්


සිත් බිදී නෙතු හඩා

ලොවෙන් ගැරහුම් ලබා

තමන්ගෙ උන් අතැර ගියාමුත් මන්


සිතේ පතුලේ කොනක

සදා කල් රැදෙනු ඇත

සෙනෙහසක් නොවුනු මිතු දමේ රසයන්

Published with Blogger-droid v2.0.4

බහු රූ රැඟුම්

ජසයලා ලෙන්චිනා කරලියේ රඟනවා
අපි දන්න කෝලමක් රී මේක් කරනවා
වෙස්මුණු බැඳන් විත් තවුස් සිල් බිඳිනවා
අන්තිමේ වෙස් මූණ මුණටම ඇලෙනවා


වදන් වැකි කියාගෙන මුන්ලෝකේ හදනවා
දෙන්න පුළුවන් තරම උපදෙසුත් බෙදනවා
වෝල් එක පිරෙන්නට නාඩගම් නටනවා
රීමේක් කෝලමේ  හොඳ අපිට පෙනෙනවා


පෙම් ගීත කියාගෙන මුත් සිලුත් රකිනවා
දවස සුබ වෙන්න යැයි පරල වී කියනවා
ඉරිසියා දුෂ්ඨ ගති යටිහිතේ වැඩෙනවා
හිනාවෙන ගමන් මුන් රටක් ගිනි තියනවා 


තම අතට සෙවනැල්ල තම අතම කියනවා
ඒ උතන් ගැන්සියම අනිකාට කෙලිනවා
පේස් බුක් පිටුවලින් නාඩගම් ගලනවා
මෙවන් බහු රූ රැඟුම්  අපි ඉතින් බලනවා. 

ඉසිදාසි බාරි මම

සිත පෙමින් පුරවගෙන 
හද බැතිය දරාගෙන 
හිමි ගෙයට ගියාමුත් 
දන්නවා සොඳින් මම 
පිටව යා යුතුම බව 


බිඳි  ගිය කුලගෙයට  
සැනසුමක් ගෙන එන්න  
කෙනෙකුවත් නැති කලෙක 
සිඟන වෙස් පැලඳි නුඹ 
නෙත් සලයි ඈත සිට


රුදුරු මුත් දිවි ගෙවුම 
දැනුනි ඔබ සොඳුරු බව 
නොපෙනෙනා හෙට දිනට
හිමියනේ ඔබ සමඟ  
පිය නැගිමි කුමරි මම 


ඉවත්කර දිළිඳු රුව 
රජ  කෙනෙකු කලත් ඔබ 
හැර ගියා හිමියනේ
පෙර කරපු ඒ පවට
ඉසිදාසි බාරි මම 

සිහිල් සිතිවිලි්

විසුල සිතුවිලි

එකතු කරගෙන

සසලසිත කවි පබදිනා කල

ඔබ ගැනම කවි ගොඩක් ලියලා

නොමදනොමි සබදේ කිසිත් මම

Published with Blogger-droid v2.0.4

දුරක ඔබ ඇදෙනවා

ආකාසේ තරු ගන්න

මං හීන මවනවා

මල් රේණු දෝත මත

පර වෙලා වැටෙනවා

සිත් දෑලේ දැවටෙන්න

මං කෝල කරනවා

සමනලුන් සිත් යාය

පුරාවට නටනවා

උර හිසේ සුව ගන්න

සිතුම් ඉකි බිඳිනවා

නෙත් දෑල නොපැටලී

දුරක ඔබ ඇදෙනවා

ඔබේ ලෝකේ රජ  වෙන්න

සිත පෙරුම් පුරනවා

මේ වදන් නොදත් සේ

ඔබ බලා සිටිනවා..... :'( 

රහසක්

ඉටි පහන් එළිය මම

පළගැටි සේනා දැවි දැවි මියගිය
වැලි බිස්සේ  දුහුවිල්ල පුරා
නිසසල පැහැයෙන් දීදුලමි  සැමකල
සොහොන් කොතේ ඔබ නිදන තුරා 


දෙනුවන ලඟ රැඳි සෙනෙහස් හසුනක
ආදරයේ පද පේලි ලියා 
ගල් පත්තිරුමත දැලි රූ මවනෙමි
ඔබ ගිය  ලොවකට පෙනෙන තුරා.


නිසසල උදයක වැසිබර සවසක
එකලෙස මම දිලෙනෙමි සැමදා
සුදු වත හැඳගෙන ඇය ඇවිදින් කියු
කඳුලේ කවි නිමවනා තුරා.

ලඟ ලඟයි මුමුණනු ඇසේ

සිනා නොමසෙන ඔය මුවේ

සිනාහ හස කැන් මට පෙනේ

සෙනෙහසක් නැති නෙත් අගේ

සෙනෙහසේ පැතුමන් සැලේ

නොපෙනෙනා  දුර වසන්තේ

ලඟ ලඟයි මුමුණනු ඇසේ

දුරයි මුත් සඳ ගගනතේ

නෙත් ලඟින් පෙනි පෙනි පිපේ

ඔබම කියු.. මගේ කවිය...

ළඟට එන්න

හිත හදන්න

බරවුනු නෙතු සනසවන්න..

ඔබ පිපෙන්න

මගෙම වෙන්න

නෙතු රැඳි කඳුලින් මිදෙන්න..

ළඟම ඉන්න

දුර නොයන්න

සිත් විල මත ඔබ රැඳෙන්න..

පින්සාර නෙතු

දුක් සුසුම් අතැර නැලවෙන්න දැන් සඳැල්ලේ

මා නමින් පේ වුනු, මල් යාය නිල්ලේ....

සංසාර මඟ යන්න පාවී නිදැල්ලේ

පින්සාර නෙතු ඔන්න පිපුනා තුරුල්ලේ

ලං ලංව විඳ ගන්න සුසුමන් සිහිල්ලේ

හඳ ගැස්ම වී ඉන්න දෙන්නම් තුරුල්ලේ

කඳුලින් නැඟි ආ සිනහා කැරැල්ලේ

පාවෙන්න ඔබ එන්න හන්තාන නිල්ලේ

රන්තාරු මල් ඇතිරු තණ නිල්ල ගොල්ලේ

නිම්නාද නද දෙන්න සුළගේ නිදැල්ලේ

භාවනා වඩන්නට එන්න තරු නිල්ලේ

රහසක් කියයි දෙනෙත් ගිලී  හසරුල්ලේ

සිත්රූ සෝබාවට ලියපු පිළිතුරක්... :D 

පහන් දැල්ල

ඔබ මට සඳක් නොව

පහන් දැල්ලක්

අවපස සඳට දුර මුත්

ළඟයි නුඹ නම්

මේ තමයි පාට ආදරයේ වචන වල.....

සිහින කවුළුව ලඟට ඇවිදින්
ඔබ බලා සිටියා
ඇවිදිමින් මගේ නිදි දෙනත් ලඟ 
ඔබ හැගුම් මැව්වා


ලියා පෙම්වත් වදන් හැඩයට
හසුන මට දීලා
නිමේෂය ගෙවෙනවා නොදැනේ
ඔබ ලඟින් සිටියා


වසන්තය ඇවිදින් සිනාසේ 
සිතුම් පොදි දල්වා
ශාන්තිය මඟ හැරි ලතවෙමි
ඔබේ සුව දැනුනා


මගේ හදවත හැගිම් කැමතියි 
මුල්ම වසන්තය හිනැහුනා
ආදරේ පැහැයෙන් ගියාලා
නැවුම් පද වැල් ගැලපුවා


විටෙක ඔබ මහ පොළව සරසා
ඇතැම් විට සඳ සැරසුවා
මගේ නෙත් මට අහිමි කරලා  
මගේ සුසමේ සැඟවුනා


අපේ හදවත් නිවස සරසමු
හඳ ගැස්ම තවරා
ලොවක් නැති මුත් ඔබත් ලඟ ඇත
බියක් නෑ දිවියම පුරා


අමතකයි මොහොතකට මුළු ලොවට 
වසන්තය සිත සරසලා
ශාන්තිය මගහැරී ලත වෙමි
මුල් වසන්තය පැමිණිලා


කුණාටුවකට අකුණු හඬකට 

පා සළඹ හඬ මුසු වෙලා 
කියන තනුව වසඟ වීලා
සුළඟ රඟ දෙයි නැලවිලා 


කඩා හැලෙනා සුදු වාලාකුළු 
ඔබව සිප ඇදිලා ගියා
වැස්ස වැටෙනා නිමක් නැති හැඩ
ඔබයි ඇන්දේ හැඩ මවා


සෙනෙහස් මන දොළ සිත් පුරා 
සිහිනත් ඔබ හැන විමසුවා
මගේ හදවත් ලැගුම් ගත් ඔබ
ආදරේ පැහැ තැවරුවා

සිටියා ඔබ සිතට බොහෝ ඈතින්

ඈතින්, තනි තරුවක් සේ ඇවිදින්

කීවා, සිත විමසූ රහස සෙමින්

දුරකින්, දුර ඔබ සිටියත් ඈතීන්

ළඟමයි, රෑ සිහිනෙන් ඔබ ඇවිදින්

සරසා, නෙත කඳුලැල් මුතු පොටකින්

සිටියා, ඔබ සිතට බොහෝ ඈතින්

රහසින්, මුමුනමි පෙම් රහස හෙමින්

මෙතුවක්, ඔබ නොම දැන උන් පැතුමන්

ආසයි, මට සැඟවි ඉන්න ඉතින්

මිහිදුම්, සළුවක සේ ලඟ වෙලෙමින්

සරසා, නෙත කඳුලැල් මුතු පොටකින්

සිටියා, ඔබ සිතට බොහෝ ඈතින්